هاد الشي قاله ديفيد آلن، واحد الخبير فالإنتاجية والمعروف بمنهجية GTD – Getting Things Done، نظام كيعاونك تنظّم المهام والمشاريع ديالك بلا ما تغرق.
المشكلة: إعادة البحث بلا نهاية
فـ2020 كنت كنقرا Cyber-Security. لقيت راسي كنعاود نفس الفيلم:
كنت كنشوف نفس الفيديوهات، كننسخ نفس الأوامر، وكنقلب فـStack Overflow على نفس المشاكل مراراً وتكراراً.
كل إعادة كتضيع دقائق، وكتزيد التوتر، وكتقتل التركيز… وكننسى اللي تعلمت أصلًا.
حبس إعادة البحث. وبدّى كتتذكر. بنِي بلاصة تجمع أفكارك، ملاحظاتك، المصادر ديالك، والمشاريع ديالك.
الفكرة: “دماغ ثانٍ”
الدماغ الثاني هو نظام شخصي ديال إدارة المعرفة كيخزّن كل حاجة كتتعلمها:
مقاطع الكود، الشروحات، الأخطاء، الملاحظات… باش تقدر تلقاها فـ أقل من 5 ثواني.
فكر فيه بحال امتداد للذاكرة ديالك فالتليفون، اللابتوب، ولا الطابليت. ودابا حتى الذكاء الاصطناعي ولا كيقوّيه.
بدأت مع Logseq لأنه كان يشتغل بلا إنترنت وكان سهل نضيف فيه كود مباشرة. وكان فيه واحد الـ Graph View زوين اللي كيبين كيفاش الأفكار ديالك مرتبطة ببعضياتها.
استعمال “الدماغ الثاني” ساعدني نفكر بوضوح أكثر ونربط الأفكار ديالي بشكل أحسن. دابا عندي أقسام واضحة فالعقل ديالي، وطريقة التفكير ديالي منسجمة مع النظام، وبالضبط كنعرّف فين خاص كل معلومة تمشي.
كاينين بزاف ديال الطرق باش تستعمل “الدماغ الثاني”، ولكن كنقترح تعتمد منهجية PARA اللي نشرها Tiago Forte.
منهجية PARA هي نظام بسيط مبني على أربعة مجلدات كيخلّيك تنظّم المعلومات الرقمية ديالك بطريقة واضحة، باش تلقاها وتستعملها فوراً بلا صداع وبلا ضياع.
علاش كَيخدم مزيان
الوضوح: كل ملاحظة ولا ملف عندو بلاصة وحدة واضحة.
السرعة: ملي كتشوف غير فواحد الفولدر، كيتضيّق البحث وكتلقى المعلومة فثواني.
التمدّد: حتى منين كتكبر قاعدة المعلومات ديالك، هاد الأربع خانات كيبقاو ساهلين فالتنظيم.
فالتطبيق، كتدير فولدر كبير لكل وحدة من هاد الأربع خانات فـ Logseq (ولا أي تطبيق ديال الملاحظات)، وكل حاجة جديدة كتدخلها فالبلاصة اللي كتناسبها. كيبقى “المخ التاني” ديالك مرتب، ساهل فالخدمة، ودايمًا واجد تستعملو.
ها جدول مقارن للـ “Second Brain” tools الأكثر استعمالاً فـ 2025-2026، باش تشوف أيّ واحد يناسبك:
1. Create Your Home Base
ابدأ بصفحة جديدة وسَمّيها Second Brain.
2. أضِف أربع صفحات فرعية أساسية
Projects - الأشياء اللي عندها آخر أجل.
Areas - المسؤوليات المستمرة اللي خاصّها صيانة.
Resources - المراجع والمعلومات اللي كتجمعها.
Archives - كلشي اللي سالا وخصّو يرتاح.
1 - Projects
كل مشروع كتخدم عليه دابا كيدخل هنا.
دير + New داخل Projects
عطِيه عنوان (مثلاً: Kali Setup Playbook)
زيد لائحة Next Actions (Checkboxes)
منين يسالي المشروع → حرّكو لـ Archives
المشاريع كتعيش هنا، وكتدفن هنا.
2 - Areas
هاد الجزء هو “الحياة المستمرة” ديالك: الصحة، الدراسة، الشغل…
دير صفحة لكل Area
زيد Weekly checklist صغير
الهدف: مايتخربقش حياتك بلا ما تحس
3 - Resources
المكتبة ديالك. كل معلومة كتعجبك كتستقر هنا.
في Resources:
دير + New → Table – Inline
استعمل هاد الأعمدة:
Title - اسم المحتوى
Link - الرابط
Tags - كلمات مفتاحية (kali, networking)
أي حاجة بغيتي ترجع ليها من بعد؟ زيدها هنا.
4 - Archives
المقبرة المنظمة
كُل مشروع سالا ⬅︎ Archives
Daily Habit (30 seconds)
حلّ Projects → علّم على المهام اللي سالاو
حلّ Resources → قلب فالثّانية بالبحث
الصيانة اليومية بحال غسل الوجه: بسيطة ولكن مهمة.
Weekly Habit (2 minutes)
راجع صفحات Areas
زيد ملاحظات جديدة
حرّك المشاريع اللي سالاو للـ Archives
هنا كتضمن أن “مخّك الثاني” مايديرش الخدمة ضدّك.
ابدأ اليوم
كلمات هذا الأسبوع - New English Words
Deadline
كلمة أساسية فالعالم ديال الإنتاجية. معناها آخر أجل لإنهاء مشروع.
Area
المنطقة هي جزء محدّد من مساحة أكبر، يمكن يكون مكان جغرافي، أو حيّز داخل مكان، أو مجال من مجالات المعرفة.
Resources
المصادر والمراجع اللي كتجمع باش ترجع ليها من بعد.
أي كتاب، فيديو، درس، كود… كيولي Resource.
كلمة أساسية ومهمة في مجال الإنتاجية وإدارة المعرفة.
Capture
كتاخذ حاجة قبل ما تهرب. ممكن تكون صورة، فكرة، لحظة، معلومة، أو حتى شخص في سياق آخر.
هذا الأسبوع صنعتُ فيديو عن كيف ننسى ما نتعلمه، لكن في هذه الرسالة أردت أن أحكي عن اللحظة التي بدأت فيها القصة أصلًا.
وفي اليوتيوب غادي نهضر على كيفاش تنظّم هاد الدماغ الثاني باش يبقى خفيف وسريع، وشنو الأخطاء اللي كتخلي الناس يضيعو الوقت بلا فايدة.